張敬軒新節目食玩香港

將於年尾舉行跨年演唱會的張敬軒，前晚於社交平台預告這個星期會推出全新綜藝節目《軒公敲碗》，一眾網民紛紛留言表示期待。

軒仔笑言《軒公敲碗》是為“餓咗勁耐”的粉絲而做的：“因為之前一直有拍《天才遊童》的綜藝，係會去香港以外的地方拍攝。但呢一兩年因為疫情關係，拍攝比較困難，節目已暫停好一陣，冇得睇。為滿足粉絲願望，就有了呢輯《軒公敲碗》出現，全部都是在香港拍攝。”

昨日曝光的五集預告片中，可見軒仔帶“大馬女神”林明禎去食香港地道美食；孖住“富貴KOL”雪姨去睇樓；同J Lou、Asha溜冰；與微辣的“加蔥”食好嘢；邀得梁祖堯、強尼、七仙羽（七師傅）齊齊吹水。提到拍攝溜冰一集時，軒仔自言小時候“踩冰好叻”，“但係好多年冇玩過啦，年紀大、骨都脆脆哋。”