谷婭溦享受歌手同台Jam歌

谷婭溦在《演鬥聽》新一集節目中，有機會與《聲夢》學員文凱婷一較高下；在《演鬥聽王者之戰》中，則與其他“踢館”嘉賓姜麗文、趙慧珊、龔柯允及施匡翹等爭奪終極MVP演鬥盃。

谷婭溦早前曾指公司力捧《聲夢》學員，令她被忽略，近期歌唱事業才漸有起色。這次在《演鬥聽》正好給她發揮實力的機會。在以前節目中常做白老鼠嘉賓的溦溦謂：“上次感覺好似咁快完，覺得節目好好玩、好好睇，呢次再上這節目，希望玩吓未玩過的。現場寫歌感覺好享受，有個平台畀我哋一齊Jam歌，發覺大家原來可以咁樣玩音樂。”

趙慧珊今次與過氣緋聞男友吳業坤同場，更要面對多位唱得之人，她直言非常緊張：“因為佢哋全部都好勁，睇到佢哋自己作曲、點樣轉歌，我只係來學嘢都抵。”

對於要同樂壇新秀同場爭奪演鬥盃，坤哥表示不介意：“大家都係一齊玩音樂！”更搞笑說：“就算到時候佢哋贏咗，都係我讓佢哋，哈哈。”