拍動作戲周身傷

何慈茵封新一代打女

在無線劇集《飛虎 3 壯志英雄》中飾演沛國流亡公主 Renee 的何慈茵，動作戲連場，演出十分落力，受到觀眾讚賞。同時，她亦因為拍攝這劇，搞到周身傷。其中一場與苗僑偉拍攝的槍戰戲中，她因為被反應彈的碎片擊中眼白，導致眼睛受傷，兼爆微絲血管，但她仍堅持繼續拍攝，表現十分專業。

在日前播出的第十四集《飛虎 3 》中，何慈茵與戲中的兄長 Leo雙雙被捕，目擊哥哥被射殺的Renee，傷心欲絕，服毒自殺，並淚崩抱着哥哥訴說當年情，相當催淚，感動不少觀眾。

何慈茵這角色雖然已死，但在前半部分劇集中佔戲甚重，還參與了不少槍戰、埋身肉搏及飛車等場面演出，其拼命演出獲得網友讚賞：“打得又睇得。”“打女形象幾入觀眾心，再有打劇，實會有位畀佢做。”“新一代女武打明星。”“何慈茵做打女實力超班，武術世家，又索又型。”

不過打女之路其實一點也不易行，過去因為拍攝動作戲已搞到周身傷的慈茵，原來拍攝《飛虎 3 》時亦曾受傷。事緣慈茵與苗僑偉拍攝槍戰戲時，竟意外被反應彈的碎片擊中眼白，導致眼白受損兼爆微絲血管，狀甚駭人！

慈茵受訪時表示：“當時導演嗌 Cut 機之後，大家見到我咁，都好緊張同擔心，我記得自己仲同導演講冇問題，因為我平時打拳都成日打爆微絲血管。但後嚟現場救護員檢查完之後，話我眼白表面損咗仲流緊血，傷勢可大可小，叫我快啲去醫院檢查，好彩都唔係好大件事。”

平時有打開拳賽的慈茵，表示早有心理準備拍動作戲會受傷：“我知道受傷時最重要係保持鎮定。我咪話以前打拳成日受傷嘅，我記得最嚴重嗰次係打到視網膜穿咗窿，要做手術補返；另外我都試過畀人打傷塊面嘅三叉神經，搞到塊面麻痹咗半年。”

搏到盡的慈茵，今年拍攝綜藝節目《不可能任務》時，亦因不慎撞破玻璃受傷，縫了八針，但她當時同樣表現鎮定，硬淨度令人佩服。