新專輯赴日錄音開支大

RubberBand推出新歌

香港樂隊RubberBand主音繆浩昌（6號）、結他手馮庭正（阿正）、Bass手李兆偉（阿偉）及鼓手黎萬宏（泥鯭），最近正密鑼緊鼓製作他們的第十一張專輯《K》（暫名），而第一首派台作品《想寫好的功課》亦於前日推出。

四位成員今次更遠赴東京為《K》大碟錄音，加上有了上一張專輯在泰國錄音的經驗，樂隊早在出發前半年已恆常地每星期一或兩次在Band房造歌及編曲，為錄音做好前期準備。這次製作過程，6號形容為“見證阿正滿血回歸”。他說：“因為今次《K》大碟好多首歌都係先由阿正創作，然後全隊人一齊潤飾，而揀選嘅Demo之中，阿正佔咗九首，而第一首派台歌《想寫好的功課》，就係來自阿正嘅旋律。”此曲由Tim Lui填詞，談及的是每個人的自身事情，當中亦是RubberBand眾人的寫照。

還有今次揀選的Victor Studio，是日本數一數二的錄音室，6號興奮道：“最嘩一聲係，木村拓哉、久石讓都喺度錄音，日本殿堂級樂隊Southern All Stars更加係長期Book咗最頂一層嘅大Studio錄音。”

基於這次前往東京製作《K》大碟，因此製作費亦大幅提昇，但阿偉覺得物有所值。他說：“今次一團人飛去錄音使咗好多錢，但就覺得物有所值，因為最重要係音樂質素，而日本錄音嘅質素，我夠膽講係做到一個好高質素嘅效果。”

在MV裡，RubberBand特別邀請曾多次獲得香港舞台劇獎男主角的歐陽駿(Eddy)參與演出；擅演喜劇的Eddy，今次淡然的演出，正好為《想寫好的功課》畫龍點晴。