大佬 細佬 細路

功夫大師李小龍，十歲初登銀幕，“處男作”《細路祥》。牙擦擦講對白——我最近做咗“大佬”， 你唔好叫我“細路祥”；叫我“大路祥”或者“大佬祥”啦。舊事新談，出現唐詩已有千年歷史的粵語，“細路”與“細佬”，又引起學者們的興趣。大灣區三千多萬人口，多數流行廣州話，叫小孩子“細佬哥”，又叫“細蚊仔”。點解叫蚊？烏蠅都好細，而不叫“細蠅仔”？

警匪片常見——呢個係我大老！睇你似“大佬”多啲喎。係新乜乜嗰隻“大佬”，你快啲講過……“大佬！”失覺，失覺，咪怪細佬唔識世界。

你係細佬？我大佬幾時收過你做馬仔呀。

李小龍細細個出道，《細路祥》一鳴驚人。有學者指出：“‘細路’！指小孩，路，是借字，本字‘孥’（音奴）。其中‘孥兒’指兒童，年長的人稱小伙子為‘哥仔’，所以，也會叫‘細路’為‘細路哥’”。

廣東話，不易學也很難精，細路、大佬，不僅年齡劃分，也指行業人員：巴士佬、的士佬、記者佬、跌打佬、差佬，似含小小輕視，許多高官賢達，已公開聲聲“記者朋友”、“警務人員”……，而百般滋味的，有：闊佬、鬼佬、北老、和事佬……。

要準確應用“大佬”和“細佬”的稱謂，可向電視多學習。“發咗達，唔好唔記得細佬”，“做得你大佬，梗同你遮風擋雨，講義氣。”許多家庭，有：大老、二老、三老 、四老……係老！不是佬。屬於同胞胎親兄弟。市面仍流行叫小孩“細佬哥”，還是“細路哥”？？？細拏哥！

後記：上世紀，澳門有位名人！係人都叫他賢哥，而，賢哥出席場合致詞，必自稱“細佬今日……”非常大人物的“細佬”！

高 梁