馮允謙或明年秘婚

昨日，馮允謙(Jay Fung)到啟德體育園出席床褥新店開幕活動，剛放完三星期長假的他，透露之前返加拿大及去了墨西哥，主要是休息，希望有多些靈感幫助寫歌，笑言現在充滿力量。他又自爆胖了不少：“我唔敢上磅，因為放假係咁放肆食同瞓，（幾耐未試過咁放肆？）呢四五年都好多工作。”前日情人節，Jay說之前已提早跟女友一起煮飯仔慶祝，因平日自己很少煮飯，不小心切親手。說到他的傷口似心型，他笑說：“所以我post上嚟，證明我人生充滿愛。”

情人節可有送禮物？他冧爆透露送了情侶波鞋：“女友鍾意情侶裝，所以我送咗對波鞋，自己嗰對波鞋就留咗喺加拿大。（女友送甚麼？）冇嘢送，主要陪我，上次我開騷，佢返來香港一個星期我都陪唔到佢，只係最後一日食咗餐飯，今次相處好舒。”問到可會效法方力申秘婚，Jay不排除說：“呢個世界咩都有可能，但暫時未諗住，唔會係今年，睇下明年，但唔會喺冬天，因為加拿大好凍，（會唔會喺香港搞婚禮？）我冇乜要求，睇女友，佢開心就得喇。”