譚杏藍過大禮似開金行

歌手譚杏藍（小花）去年八月接受圈外男友Ronald於日本浪漫求婚，今年三月將榮升人妻，近日與未婚夫先後在網上分享多套靚靚婚照。日前過大禮非常大陣仗，金器鋪滿枱大晒冷，龍鳳鈪也有十幾對。

婚期進入最後直路，譚杏藍日前在社交平台貼出多張相片，簡單寫道：“過大禮，滿滿的祝福，準備正式成為一家人啦！感謝各位幫忙。”從她分享的照片所見，單是龍鳳鈪已有十多對，其餘大大小小金器如金豬牌、頸鏈等更放滿桌上甚至地下，還有兩隻名錶，其餘海味、水果、禮餅、椰子等等堆放在廳上，幾乎要放出門口，一眾親友寸步難行，排場超級誇張。

譚杏藍媽咪望住準女婿都“笑到見牙唔見眼”，而準新娘亦大曬珍珠耳環及戒指，更與Ronald咀嘴曬恩愛，未正式結婚已讓人感覺到他們十分幸福。