鄧兆尊自爆年結畀家用

由阮兆祥、梅小惠及江欣燕主持的節目《友乜唔講得》，三月二日這一集的嘉賓是陳彥行（行姐）和鄧兆尊。小惠、祥仔、行姐及鄧兆尊因為拍攝處境劇《皆大歡喜》成為好友，談到當年拍劇趣事，小惠撒嬌指兆尊從來不會“窒”行姐，而且就算只是落canteen食飯，也對行姐寸步不離、照顧周到。對此兆尊坦言當時確是對行姐有好感，但礙於應承咗阿爸唔可以同圈內人拍拖；行姐則指與兆尊Timing唔啱，認為與對方做朋友好過做情人。

兆尊續指當年最怕與行姐拍床上戲，皆因行姐通常只除剩肚兜，唔敢瞓太近。由於二人緋聞當年傳得鬧哄哄，二人爆料指一度分別被肥姐（沈殿霞）及汪阿姐（汪明荃）捉入房追問戀情，過程爆笑。行姐說：“肥姐捉住我話，你老實同我講，你望實我對眼，你係咪同兆尊拍緊拖。”

每集尾都有彩蛋的《友乜唔講得》，今集先是問兆尊“一個月要畀幾多錢家用各位太太”，兆尊即拋下豪語指家用次次都是年結找數，兆尊還大方透露了每位太太的家用分配，及直指做得他另一半通常不會是貪心的人：“你（對家用）要求太高嘅，你去勞工署唔好嚟搵我喇。”