張曦雯水蛇腰觀眾養眼

前晚首播的劇集《俠醫》， 張曦雯(Kelly)的背心短褲居家Look，獲網民大讚身形勁靚，身高一米七五的她，除保持到體重在五十四公斤，腰圍更長年Keep住廿三吋，擁有健美曲線。早前曾多次減肥失敗的她，近年採用“長短棍餐單”控制食量，即根據每餐的攝取量調整下一餐的食量，以保持熱量平衡。運動方面，除了重訓，Kelly又會做瑜伽幫助塑身。劇中Kelly放下靚女包袱，短短一晚釋放出大量“浮誇剩女表情包”，包括咆哮Look、放Pea Look、蛇Gwei Look、混亂Look及弱勢Loser Look等。Kelly說很喜歡Rachel這個Loser角色：“佢冇主角光環，好多嘢都處理得唔好、唔識面對，但心地善良，我好鍾意呢個角色，因為人就係咁唔完美。”

陳豪飾演的凌為民，及Kelly飾演的羅穎琛Rachel，在劇中可謂由頭帶到落尾。劇情講述做人做到亂晒籠、冇錢冇事業冇愛情的“Loser Rachel”，一開頭即迎來連串厄運並遇上碰瓷黨，幸好凌為民剛好路過幫忙拆穿騙局，還為Rachel治療慣性拗柴，二人因而結下拗柴情緣。禍不單行的Rachel，除了因要照顧自閉症家姐羅穎茵（譚凱琪飾）心力交瘁，同時還要應付同事沈綺婷（劉佩玥飾）的連番暗戰，及好色客戶鄧力圖（鄭子誠飾）的不道德誘惑。