蔡一傑康復草蜢謀開騷

去年草蜢成員蔡一傑接受腦部手術，原定“Re:GRASSHOPPER演唱會”世界巡演暫停，隨着傑仔康復進度非常理想，巡唱再次啟動。同時亦積極籌備明年四月紅館，草蜢四十周年演唱會及推出全新專輯。傑仔亦宣佈好消息，他配合新歌《老的辣》將推出“老的辣撈麵”，寓意大家撈到風山水起，身體健康。傑仔笑言不單只有得睇仲得食：“我對‘傑少煮意’（其網上烹飪節目）嘅支持者講聲對唔住，我差唔多接近兩年無上新片，首先係咁做巡迴演唱會，後來我要做手術，所以今次推出老的辣麵希望大家包涵包涵！”

蔡一智說：“今次‘Re ：GRASSHOPPER演唱會’真係同‘Re’』呢個字好有緣份，喺傑仔Recover（康復）之後，再Restart（重啟），我哋將呢個演唱會帶去新加坡、澳門、馬來西亞、廣州等地方，同大家一齊Reunion（重聚）。我哋亦會將好多草蜢經典歌曲Rearrange（重編），希望帶畀大家耳目一新嘅感覺！”阿智用“打邊爐”形容演唱會重啟：“同喺香港打邊爐一樣，你打過一次邊爐，點會唔打第二次？食第二次會有唔同感覺。”蘇志威補充：“因為會有新菜式！”傑仔點頭，阿智說：“今次呢鍋邊爐就加咗辣，因為蔡一傑寫咗首新歌《老的辣》，所謂薑是老的辣，有唔同食法。所以即使之前睇過都可以再睇，因為係不一樣！”