雷小雷聲靚周國豐讚不絕口

《中年好聲音4》第三集《決戰大灣區》已於前晚播出，此集再誕生多兩名五燈選手，男女各一位“靚聲王”同場誕生。

當中三十五歲、網絡音樂主播雷小雷，憑超強唱功贏盡好評，一開聲已令溦溦發出驚嘆聲，率先撳燈，最終橫掃五燈佳績。就連“手緊王”周國豐亦讚不絕口：“今季暫時睇咗幾個賽區，都有好多把靚聲，你把靚聲唔係誇張，我會形容接近Hi-Fi發燒，你把聲好靚。”肥媽：“唱得唔需要力咁，好瀟灑，好開心聽到你唱呢首歌，揀啱歌同埋好適合你。”

該集還出現了一位唱作型參賽者，他就是現年三十九歲的音樂製作人黃藝輝，獻唱原創歌《凌晨香港》。黃藝輝唱出第一句已經打動了海兒，最後奪得三燈成績。海兒坦言：“我好鍾意你把聲，因為係好坦誠好真誠嘅聲嚟嘅。”周國豐：“你有你嘅態度，尤其係你嘅創作當中，對於表演者嚟講，嗰個態度係好緊要先至會令人記得。”溦溦：“你把聲真係幾好，但你一到後面嘅時候愈嚟愈唔穩陣，如果你後面冇爆得咁犀利可能會好啲。”