姚煒請纓義助張偉文

“我無法企起身，好危險！”“靚聲王”張偉文坐着輪椅開演唱會，第二次了。憑《金大班》榮膺影后的姚煒，洗盡鉛華四十年，倏然請纓當嘉賓，相逢即問：“你想唔想起返身？我有經驗。”

當年的“性感尤物”姚煒，現已七十二歲了，不論拍戲和唱歌都不會復出，強調今次純粹為撑張偉文籌措生活費和醫藥費。姚煒感嘆，六十八歲的張偉文年紀不算大，但係日日坐在輪椅發吽口豆，“身體只會越來越差。”又大讚張偉文把聲咁靚、唱歌咁好，希望佢起返身唱歌。“唔敢諗，站起身唱歌會有危險！不過，前輩咁幫我，好感動。”張偉文泣然欲涕，感懷雙親已故、自己冇人冇物，悲從中來。

“我的前半生亦好悲慘！”姚煒分享自己的人生經歷——因事業低潮、患癌、婚姻觸礁，感到生無可戀，曾服食四十粒安眠藥、加一杯白蘭地及割脈“三料”自殺。獲救後仍自暴自棄，沉迷賭博，輸晒千萬身家。姚煒談人生轉變，自言如有神助，信不信由你了。

姚煒“佛口婆心”一番好意，但張偉文直言不諱説：“我係無神論者，唔信呢啲，但我接受到。”考慮到無人照顧生活起居，張偉文這幾年住在養老院，一度暴瘦的他，現已增重至一百八十多磅，恢復到以前體重，但仍需要坐輪椅出入，經理人方俊幫忙推着走。

據方俊透露，張偉文曾於一六年及一八年做過兩次大手術；術後頸椎退化，雙腳無力致多次跌倒，令他出現腦積血，需要入院放血保命。“現在要慢慢諗嘢，唔好行差踏錯。”張偉文強調：“最緊要有歌唱、有得搵食，否則廢人一個。有啲收入就冇咁擔心，社福資助只夠養命。”

高 梁